Suirbhé Príobháideachta  'Mise Ar-Líne'.

Do mharcáil Oifig an Choimisinéara Cosanta Sonraí Lá Chosaint Sonraí Chomhairle na hEorpa, 28 Eanáir, 2010,  trína bheith rannpháirteach i dtionscnamh i gcomhar le comhghleacaithe in Oifig an Choimisinéara  Faisnéise  an Ríocht Aontaithe  chun feasacht ar chearta cosanta sonraí a mhéadú  i measc déagóirí.

 'Mise Ar-Líne'
Do bhí an  tionscnamh 'Mise Ar-Líne' dírithe ar mhic léinn i scoileanna dara leibhéal ar fud na Ríochta Aontaithe agus na hÉireann le chéile.  Bhí sé  urraithe ag grúpa  dlíodóirí ó gnólachtaí dlí agus meáin  le speisialtacht in  ábhair  phríobháideachta.[1]  Do ghlac  na húdaráis cosanta sonraí in Éirinn agus sa  Ríocht Aontaithe  le bheith páirteach  i gclár gníomhaíochtaí  an  tionscnamh  fiontrach  seo chun cuidiú le feasacht a ardú do mhic léinn agus a gcuid múinteoirí ar chearta príobháideachta, go háirithe i ndáil le sonraí pearsanta ar líne a gabhadh.

Taobh amuigh de  fheasacht a chur chun cinn ar chosaint sonraí agus nithe príobháideachta le léiriúcháin  a sheachadadh agus fóraim phlé a óstáil,  do glacadh an  deis chomh maith chun suirbhé a dhéanamh  chun  leibhéil fheasachta ar shaincheisteanna cosanta sonraí a thomhas agus  an méid  go dtugann  daoine óga aird ar   faisnéis phearsanta a chosaint ar líne.

Coláiste Chroí Ró-Naofa, Droichead Nua, Co Chill Dara.

Do chuir Oifig an Choimisinéara Cosanta Sonraí sraith de léiriúcháin  ar fáil do mhic léinn dara leibhéal i gColáiste Chroí Ró-Naofa, Droichead Nua, Co Chill Dara ar Lá Cosanta Sonraí - 28 Eanáir 2010. Roghnaíodh an scoil go randamach. Tar éis na léiriúcháin,  do rinneadh suirbhé gan ainm  i measc na mic léinn maidir lena n-eolas agus a ndearcadh i leith  phríobháideacht ar líne. Fuarthas 77 ceistneoirí comhlánaithe san iomlán  agus rinneadh anailís orthu.

Tá  torthaí na suirbhé a rinneadh ar na mic léinn dara leibhéal in Éirinn ar fáil anseo.

Torthaí Suirbhé Foriomlán
I dtéarmaí ginearálta, ní raibh mórán difríocht idir na freagraí ó na réigiún sa Ríocht Aontaithe agus in Éirinn - 

• Léiríonn torthaí na suirbhé go  bhfuil leibhéal íseal eolais maidir le brí   ráiteas príobháideachta ar láithreán gréasáin (fiú níos ísle i measc na mac léinn in Éirinn a ndearnadh suirbhé orthu).
• Dealríonn sé ó na  mic léinn in Éirinn  gur cuireadh suirbhé orthu gur thugadar níos lú  aird ná  a mhacasamhla sa  Ríocht Aontaithe maidir le príobháideachas a gcuid próifílí agus grianghraif ar líne.
• Bhí na  tuairimí ar comhsheasamh  maidir leis an aois toilithe iomchuí chun  sonraí  mhic léinn a bheith foilsithe  i mblianirisí  scoile, nuachtlitreacha a fháil agus TFCI a bheith á úsáid in aice le taisceadáin agus leithris i scoileanna. 

Tá an tuarascáil iomlán ar an suirbhé,  leis na réigiúin go léir sa Ríocht Aontaithe agus in Éirinn á ionchorprú, ar fáil anseo.

[1]  Is tionscnamh 'freagracht shóisialta chorparáideach'  é an tionscadal  "Mise Ar-Líne"  a bhunaigh an comhlacht dlí Ríocht Aontaithe Speechly Bircham agus é tacaithe ag príomhgnólachtaí dlí eile  agus roinnt de  comhlachtaí sna meáin.